Novas recentes
As linguas dos TFG e TFM de 2020
Martes, 04 de maio de 2021
Tese en galego? Por que non?
Martes, 27 de abril de 2021
XVII Premios á calidade lingüística
Martes, 27 de abril de 2021
Terminoloxía con formatos visuais
Martes, 27 de abril de 2021
Pasen e concursen (en Filoloxía, Xeografía e Historia, e Química)
Martes, 27 de abril de 2021
As linguas da docencia da USC
Luns, 22 de febreiro de 2021
Novo Plan de Accións de Normalización Lingüística 2020-2022
Luns, 22 de febreiro de 2021
As vacinas, en 125 termos esenciais
Luns, 22 de febreiro de 2021
A quen recoñecerá o IV Premio “Luis Porteiro Garea “?
Venres, 19 de febreiro de 2021
Grande interese polo Curso de Habilidades Comunicativas
Venres, 19 de febreiro de 2021
As comisións de normalización propoñen para 2017...
Como todos os anos, o Servizo de Normalización Lingüística da USC abre un prazo, ata o 23 de decembro de 2016, para que as comisións de normalización lingüística dos centros lle presenten propostas de actuacións para desenvolver ao longo do vindeiro ano 2016.
O obxectivo desta invitación é tanto estimular a acción normalizadora nos centros por parte destas comisións como apoiar o traballo das comisións de normalización lingüística con medios económicos mais tamén técnicos e humanos. O SNL valorará as actuacións segundo os seguintes criterios:
- que as actuacións respondan a un plan de normalización do centro
- impacto das actuacións en relación coa súa organización e medios necesarios
- a responsabilidade demostrada pola CNL á hora de executar actuacións en anos anteriores
- que sexan compartidas ou se poidan partillar entre varios centros
O SNL ofrece a posibilidade de incluílas no orzamento que a USC destine á normalización lingüística ou de axudar a buscar outras vías de financiamento. Tamén o seu apoio técnico para pensar as posibles actuacións e para poder executalas.
As comisións de normalización lingüística son comisións delegadas das xuntas de facultade e, segundo o Plan de Normalización Lingüística, son parte da organización xeral da USC en materia de política lingüística. Deben encargarse da aplicación en cada centro, segundo a realidade propia de cada un, do Plan de Normalización Lingüística; de presentar propostas á xunta de centro e aos consellos de departamento, e de canalizar suxestións á CNL do Claustro. Han ser, alén diso, o ámbito directo de participación dos tres colectivos da Universidade no desenvolvemento do Plan.
Neste ano 2016 e mercé a esta colaboración leváronse a cabo as seguintes actividades:
- Ciencias (Lugo): Escolle o galego
- Enfermaría: TEDSaúde (concurso de subtitulación de vídeos TED de ciencias da saúde)
- CC. da Comunicación: Radiodramas e Somos a curta!
- CC. da Educación: IX Xornada de recursos educativos en galego e Obradoiro de baile tradicional
- Escola Politécnica Superior: Coñece a túa contorna (roteiros guiados polo Campus) e Encontros de xoves de lúa chea
- Filoloxía: Obradoiro “Mellora o teu discurso oral” e Concurso literario Mazarelos
- Humanidades: Concurso de microrrelatos encadeados a través de Facebook
- Veterinaria: Escolle o galego e Premio “Proxéctate en galego” ao mellor proxecto científico de ensino medio
Arestora contan con comisión de normalización lingüística, con diversos graos de actividade, as facultades de: Facultade de Bioloxía, Ciencias Económicas e Empresariais, Ciencias da Comunicación, Ciencias da Educación, Dereito, Escola Politécnica Superior (Lugo), Escola Tecnica Superior de Enxeñaría, Enfermaría, Formación do Profesorado (Lugo), Farmacia, Filoloxía, Filosofía, Humanidades, Matemáticas, Psicoloxía, Veterinaria (Lugo) e Xeografía e Historia.
O labor que están a realizar as cnl, que se pode consultar aquí, resulta imprescindible para podemos falar do proceso de normalización lingüística na USC durante os últimos anos.
Luns, 28 de novembro de 2016