Novas recentes
As linguas dos TFG e TFM de 2020
Martes, 04 de maio de 2021
Tese en galego? Por que non?
Martes, 27 de abril de 2021
XVII Premios á calidade lingüística
Martes, 27 de abril de 2021
Terminoloxía con formatos visuais
Martes, 27 de abril de 2021
Pasen e concursen (en Filoloxía, Xeografía e Historia, e Química)
Martes, 27 de abril de 2021
As linguas da docencia da USC
Luns, 22 de febreiro de 2021
Novo Plan de Accións de Normalización Lingüística 2020-2022
Luns, 22 de febreiro de 2021
As vacinas, en 125 termos esenciais
Luns, 22 de febreiro de 2021
A quen recoñecerá o IV Premio “Luis Porteiro Garea “?
Venres, 19 de febreiro de 2021
Grande interese polo Curso de Habilidades Comunicativas
Venres, 19 de febreiro de 2021
Materiais didácticos en galego en CC. Económicas e Empresariais
Definicións básicas de análise de estados financeiros; conceptos fundamentais de estrutura económica; folla de cálculo básica para finanzas e un modelo de balance e conta de resultados. Son recursos importantes para estudar en Economía e ADE que agora o alumnado dispón en galego grazas á CNL desa facultade.
As comisións de normalización lingüística (CNL) teñen como obxectivo aumentar o uso do galego nos seus centros en todos os ámbitos. Por iso, nos últimos anos a Comisión da Facultade de Ciencias Económicas e Empresariais no Campus de Santiago leva elaborado e editado diversos recursos materiais relacionados coa economía e a xestión empresarial.
Nesta ocasión a CNL elaborou catro novos documentos que se unen ao “Cadro de contas” editado hai dous anos. O primeiro deles documento abrangue os termos e as definicións máis empregadas na análise de estados financeiros; o segundo incorpora os conceptos básicos de estrutura económica; o terceiro consiste nun formulario básico de Excel para finanzas e finalmente, o cuarto, é un modelo de balance e conta de resultados.
Para elaborar estes materiais, que corresponden a diversas áreas e materias, foi necesaria a colaboración do seu profesorado, o cal participou activamente e de forma voluntaria na elaboración do material. Deste xeito achegámoslles a un maior número de alumnos recursos en galego que se empregan de xeito habitual ao longo das clases.
Estes recursos ofrécenselles ás alumnas e alumnos en formato impreso, mais tamén en formato PDF, para que poidan conservalo, consultalo e utilizalo dun xeito máis eficaz. Pódense descargar dende a páxina web que o Servizo de Normalización Lingüística dedica ás actividades realizadas polas comisións de normalización lingüística.
Dende que a CNL de Económicas e Empresariais comezou a publicar este tipo de materiais, puido comprobar a satisfacción tanto do alumnado como do profesorado, ao poder dispor dun recurso didáctico na nosa lingua, de balde e cunha utilidade práctica demostrada na aula e no estudo das diversas materias.
Martes, 27 de outubro de 2015