Novas recentes
As linguas dos TFG e TFM de 2020
Martes, 04 de maio de 2021
Tese en galego? Por que non?
Martes, 27 de abril de 2021
XVII Premios á calidade lingüística
Martes, 27 de abril de 2021
Terminoloxía con formatos visuais
Martes, 27 de abril de 2021
Pasen e concursen (en Filoloxía, Xeografía e Historia, e Química)
Martes, 27 de abril de 2021
As linguas da docencia da USC
Luns, 22 de febreiro de 2021
Novo Plan de Accións de Normalización Lingüística 2020-2022
Luns, 22 de febreiro de 2021
As vacinas, en 125 termos esenciais
Luns, 22 de febreiro de 2021
A quen recoñecerá o IV Premio “Luis Porteiro Garea “?
Venres, 19 de febreiro de 2021
Grande interese polo Curso de Habilidades Comunicativas
Venres, 19 de febreiro de 2021
VII Ciclo de teatro comunitario. Proxecto AD HOC: A convivencia entre linguas
A Facultade de Ciencias da Educación da USC leva sete anos organizando un encontro entre grupos teatrais amadores que desenvolven a súa actividade nas vilas e aldeas de Galicia, para así reflexionar sobre o significado e a importancia do teatro na vida asociativa e comunitaria e promover a comunicación directa entre compañías e público.
Nesta sétima edición do ciclo apostouse por converter a mostra nun proxecto, AD HOC, que ten como finalidade que varias compañías de teatro amador creen colectivamente cadansúa peza breve dentro do grupo de traballo arredor dun só eixo temático: a convivencia entre linguas, que será tratado libremente por cada compañía, aínda que establecendo unha rede de colaboración entre as agrupacións participantes, favorecendo o apoio mutuo no proceso de creación de xeito que poidan compartir claves, preguntas, experiencias, etc.
A este chamado responderon nove grupos amadores: Carauta, Enlata, Teatro do Peto, Tolemia, Tuideas, Feito a propósito, Lliria, Farrapo e O Aturuxo de Melpómene. Todas eles levarán as súas creacións a diversos espazos do Centro Sociocultural Santa Marta os días 2, 3 e 4 de abril en varias funcións a partir das 17 h, de tal xeito que cada peza poida ser vista por 60 persoas. E de 20.20 a 21 h as compañías manterán encontros co público para falaren das súas creacións na sala Agustín Magán.
A entrada para cada peza será de balde; deberá retirarse na Secretaría das dúas sedes da Facultade de Ciencias da Educación da USC (Campus vida e Campus Norte) e mais nos puntos que acorde a Rede Municipal de Centros Socioculturais do Concello de Santiago.
A Comisión Cultural da Facultade de Ciencias da Educación e Enlata, o Grupo de Teatro da Facultade, organizadoras da mostra, propóñense lograr os seguintes obxectivos:
- Visualizar a convivencia entre linguas en Galicia a través da representación teatral.
- Xuntar diferentes compañías creando un grupo de traballo que permaneza unido en prol da creación dunha estrutura teatral común na que se insire a peza de cada compañía.
- Proporcionar un espazo de representación, debate e expresión aos diferentes grupos de teatro de Galicia no contexto universitario.
- Crear canles de comunicación entre os grupos de teatro da Universidade e os diferentes grupos teatrais que temos en Galicia.
- Ter a oportunidade de analizar diferentes proxectos teatrais que se desenvolven no noso país.
- Acoller na Facultade a voz e o saber de diferentes grupos de teatro que desenvolven a súa actividade nas vilas de Galicia.
- Achegar a realidade teatral galega e universal aos estudantes universitarios.
- Fomentar o teatro entre os estudantes e o colectivo da universidade en xeral, como unha actividade artística, de lecer e de formación.
- Coñecer e reflexionar sobre iniciativas promovidas por profesionais do ámbito escolar e da educación social relacionadas co mundo teatral.
Luns, 31 de marzo de 2014