Novas recentes
As linguas dos TFG e TFM de 2020
Martes, 04 de maio de 2021
Tese en galego? Por que non?
Martes, 27 de abril de 2021
XVII Premios á calidade lingüística
Martes, 27 de abril de 2021
Terminoloxía con formatos visuais
Martes, 27 de abril de 2021
Pasen e concursen (en Filoloxía, Xeografía e Historia, e Química)
Martes, 27 de abril de 2021
As linguas da docencia da USC
Luns, 22 de febreiro de 2021
Novo Plan de Accións de Normalización Lingüística 2020-2022
Luns, 22 de febreiro de 2021
As vacinas, en 125 termos esenciais
Luns, 22 de febreiro de 2021
A quen recoñecerá o IV Premio “Luis Porteiro Garea “?
Venres, 19 de febreiro de 2021
Grande interese polo Curso de Habilidades Comunicativas
Venres, 19 de febreiro de 2021
Axudas a teses, traballos de fin de mestrado, TIT e memorias de licenciatura en galego
Dende 1994 a USC ofrece un programa de axudas á utilización do galego en proxectos de fin de carreira, memorias de licenciatura, traballos de investigación tutelados (TIT) e teses de doutoramento. Este incentivo axiña se converteu nun referente en moitas outras universidades, tanto galegas coma dos países cataláns. Dende aquela, 1136 estudantes e investigadores solicitaron estas axudas na USC, contribuíndo deste xeito a estender o galego na investigación.
As persoas que fagan os seus traballos en lingua galega poderán obter unha subvención para os gastos de fotocopiado e encadernación de:
- un máximo de 150 €, no caso dos traballos de fin de mestrado, memorias de licenciatura e traballos de investigación tutelados
- un máximo de 400 € para as teses de doutoramento
As subvención compleméntanse con servizos de consulta lingüística e terminolóxica, así como de asesoramento para a corrección lingüística por parte do Servizo de Normalización Lingüística. As axudas económicas cómpre solicitalas no mesmo ano en que se defende o traballo, a través do rexistro da USC.
No pasado ano 2010 a USC concedeu subvencións para os gastos de publicación de 36 traballos realizados en galego. En concreto, beneficiáronse desta liña de incentivos á utilización da nosa lingua os autores/as de 11 teses, 9 traballos de fin de mestrado, 4 memorias de licenciatura e 12 traballos de investigación tutelados (TIT).
Os proxectos de fin de carreira en galego, que ata 2009 se incluían nesta liña de axudas á investigación, pasaron a recoñecerse, por seren análogos aos traballos de fin de grao das novas titulacións de grao, nos Premios á calidade e á excelencia lingüística, de xeito que todos os traballos que se realicen dentro dos graos e titulacións da primeira etapa universitaria fican abeirados a estes concursos de calidade que organizan as comisións de normalización lingüística dos centros.
Venres, 01 de abril de 2011