Novas recentes
As linguas dos TFG e TFM de 2020
Martes, 04 de maio de 2021
Tese en galego? Por que non?
Martes, 27 de abril de 2021
XVII Premios á calidade lingüística
Martes, 27 de abril de 2021
Terminoloxía con formatos visuais
Martes, 27 de abril de 2021
Pasen e concursen (en Filoloxía, Xeografía e Historia, e Química)
Martes, 27 de abril de 2021
As linguas da docencia da USC
Luns, 22 de febreiro de 2021
Novo Plan de Accións de Normalización Lingüística 2020-2022
Luns, 22 de febreiro de 2021
As vacinas, en 125 termos esenciais
Luns, 22 de febreiro de 2021
A quen recoñecerá o IV Premio “Luis Porteiro Garea “?
Venres, 19 de febreiro de 2021
Grande interese polo Curso de Habilidades Comunicativas
Venres, 19 de febreiro de 2021
Videomatón pola Lingua na USC
Nas primeiras semanas de abril todas as persoas que forman a USC tiveron a oportunidade de armarse de micrófono e falar ante a cámara do galego, o futuro da lingua, a súa situación na Universidade, etc. Todas estas declaracións e puntos de vista, constitúen a materia prima do Videomatón pola lingua que a Comisión de Normalización Lingüística de Ciencias da Comunicación, a proposta dos estudantes da Liga Estudantil Galega, comezou a elaborar este mes.
Plantarse ante a cámara nunca lle resulta doado a ninguén e, nos máis dos casos, a vergoña é un motivo de peso para non falar. Mais desta volta foron moitos os voluntarios e voluntarias que decidiron participar e responder ás preguntas que os estudantes da Facultade de Ciencias da Comunicación lles suscitaron. O obxectivo? Coñecer un pouco mellor os hábitos lingüísticos da comunidade universitaria e as súas opinións sobre o galego, a súa situación da universidade e as perspectivas de futuro. Respostas houbo moitas e para todos os gustos, mais de todas elas podemos tirar unha conclusión bastante xeneralizada entre todos os intervenientes: ao galego aínda lle queda bastante camiño por percorrer para equipararse ao castelán no mundo académico.
O resultado final das gravacións poderémolo ver o 25 de maio, cando se proxecte o vídeodocumental que, elaborado polos estudantes da Facultade, pon o colofón a este proxecto da Comisión de Normalización de Ciencias da Comunicación.
MIGUEL RODRÍGUEZ FERNÁNDEZ
Venres, 29 de abril de 2011